Италијанскиот скијач Стефано Грос е победник на денешниот слалом што се возеше во швајцарскиот ски центар Аделбоден.
Тој до својата прва победа во кариерата стигна во лоши временски услови и тешка патека за време на двете слаломски трки. Грос имаше вкупно време 1:56.70 минута и беше за само две стотинки побрз од Германецот Фриц Дофер, а за три стотинки од Австриецот Марсел Хиршер.
Со денешните 60 поени за третото место Хиршер е водечки во пласманот за слалом со 376 бодови, додека Феликс Нојројтер кој остана без бодови денеска е втор со 320.
Во генралниот пласман Хиршер е лидер со 836 бодови, пред Норвежанецот Кјетил Јансруд, кој има 624.