Честа контроверзност во тениските кругови е кој е најдобриот тенисер на сите времиња. Стефанос Циципас откри кој е тоа за него.
Гркот верува дека тоа е Роџер Федерер, иако Новак Ѓоковиќ е, според речиси сите параметри, најдобриот што некогаш држел рекет и топче во рака.
🎾🐐🇬🇷 Stefanos Tsitsipas picks Roger Federer and Serena Williams as his GOATs of tennis:
“My GOAT would be Roger Federer.
Obviously he doesn’t have the most Grand Slam titles but – to me – it doesn’t matter.
To me, what matters is the effect that he has had on the world of… pic.twitter.com/ND3ATnRncV
— Olly Tennis 🎾🇬🇧 (@Olly_Tennis_) June 11, 2025
Грчкиот тенисер истакна дека не го интересира бројот на Гренд слем титули.
– Мојот ГОАТ е Роџер Федерер. Секако, ми е јасно дека тој не е играчот со најмногу Гренд слем титули и тоа не ме интересира. Она што ме интересира е влијанието што го имаше врз тенисот, но и врз спортот, глобално. Би го споредил со Мајкл Џордан. Мислам дека имав голема среќа што го споделив теренот со него – рече Циципас.
Двајцата одиграа пет натпревари еден против друг, а резултатот беше 2:2. Еден дуел беше одигран на Лејвер Купот, кој не е вклучен во статистиката.
– Веројатно беше едно од највеличествените искуства во мојот живот, да излезам на теренот и да играм против него – рече Гркот.
Кога станува збор за тенисерки, Циципас немаше дилема ниту таму.
– Што се однесува до тенисерките, би рекол Серена Вилијамс. Она што го постигна е извонредно. Нејзината приказна е единствена и навистина ја ценам неизмерно. Таа има голем шарм и присуство, разговарав со неа неколкупати и, секако, тренирав со неа – заклучи Циципас.
Да потсетиме дека Новак Ѓоковиќ освои 24 гренд слем титули, Рафаел Надал застана на 22, а Роџер Федерер има 20.