Германскиот производител на автомобили „Фолксваген“ објави први фотографии и технички податоци од Р моделот на седмата генерација Голф, што ќе биде претставен на Саемот во Франкфурт.
Традиционално Голф Р нема некои претерано агресивни и впечатливи промени на надворешноста во однос на стандардниот модел, така што новиот спортски модел ја доби препознатливата „Р ознака“ на маската од ладилникот, големи 18-инчни фелни и атрактивен издув.
Сепак, главниот адут се наоѓа под хаубата, каде е сместен дволитарскиот турбо бензинец со 300 коњски сили, што овозможува забрзување од 0 до 100 километри на час за 5,3 секунди, додека со ДСГ менувач забрзувањето изнесува само 4,9 секунди.