Јужноамериканската Фудбалска Асоцијација КОНМЕБОЛ веќе донела одлука титулата во „Копа Судамерикана“ да биде доделена на бразилскиот клуб Шапекоенсе откако повеќемина од фудбалерите и стручниот штаб загинаа во авионската несерќа пред неколку дена во Колумбија.
Бразилскиот весник „Глобо“ тврди дека раководството на КОНМЕБОЛ ја донело одлуката, а на ваков чекор се решило откако и самиот противнички тим Атлетико Насионал јавно се откажал од пехарот и воедно противникот во финалето ја покрена оваа иницијатива.
Според „Глобо“ одлуката е веќе донесена, но за да биде официјлана мора да биде потврдена и од „Советот на КОНМЕБОЛ“, а тоа треба да се случи на следниот состанок на 21.декември. Воедно објавата таа одлука ќе почека бидејќи во Бразил се денови на жалост и од таа причина ќе биде соопштена подоцна.