Македонската тенисерка Лина Ѓорческа успеа да се пласира во полуфиналето на фјучрсот во Истанбул што се игра за награден фонд од 50 илјади долари. Таа денеска во четвртфинале ја победи седмата носителка Кристина Дину од Романија со 2:1, по сетови 1:6, 6:3 и 6:4.
Воедно ова е прв триумф за Лина во третиот дуел со романската тенисерка.
За место во финалето Македонката утре ќе има меч со Барбара Стефкова (246. место ВТА) од Чешка, која во полуфиналето се пласира откако ривалката Александра Каданту од Романија го предаде мечот при резултат 6:2 и 3:1 во вториот сет.
Ѓорческа досега на турнирот одигра шест мечеви во сингл, три во квалификации и три на главниот турнир.