Македонската тенисерка Лина Ѓорческа успеа да избори за пласман во четвртфиналето на фјучрсот во Тунис откако денеска во поедничена конкуренција во 2. коло ја победи Алис Балдучи од Италија.
Нашата тенисерка ги доби двата сета со 6:2 и 6:2 во гемови и имаше подобра искористеноста на брејк топките, додека нејзината ривалка имаше дури 8 двојни сервис грешки.
Во следното коло (четвртфинале) Ѓорческа ќе игра против Полина Монова од Русија која со 2:1 во сетови ја победи Французинката Леа Толеи. Монова се наоѓа на 719.место на ВТА листата.
Во конкуренција на двојки Ѓорческа заедно со Изабела Шиникова од Бугарија попладнево во рамките на четвртфиналето играат против Џорџија Бреша и Анџелика Маратели од Италија.