Ѓоковиќ во Атина се чувствува како дома – конечно го реши и Чилеанецот Табило

Од:

Најуспешниот тенисер на сите времиња, Новак Ѓоковиќ успеа да го совлада Чилеанецот Алехандро Табило во третиот обид, а победата од 7-6 и 6-1 му обезбеди пласман во четвртфиналето на турнирот АТП 250 во затворен простор во Атина.

Во претходните два натпревари, двата одиграни на земјена подлога, минатата година во Рим и оваа година во Монте Карло, Табило изненадувачки убедливо го победи српскиот тенисер.

Тоа секако беше дополнителен мотив за 38-годишниот Ѓоковиќ, кој на својот нов „домашен“ терен, во градот каде што живее со своето семејство веќе два месеци, го доби изедначениот прв сет во „тај-брејк“, а потоа целосно го надигра својот десет години помлад противник во вториот, воодушевувајќи неколку илјади свои фанови во ОАКА Арената.

„Навистина се чувствувам како дома, тука во Атина“, рече видливо среќниот Ѓоковиќ по натпреварот, откако им се обрати на гледачите на грчки јазик со неколку зборови.

Во четвртфиналето, Ѓоковиќ го чека победникот од дуелот меѓу Португалецот Нуно Борхес и Американецот Елиот Спицири.

Би можело да ве интересира

Новак Ѓоковиќ е елиминиран од Мастерсот во Париз

Ѓоковиќ: Јас сум патриот, но секогаш го претставував народот – не владата

А1он

Ѓоковиќ собори рекорд на Федерер

А1он

Ѓоковиќ против Ембер во првото коло на турнирот во Базел

A1on

Ѓоковиќ e елиминиран во првото коло на Отвореното првенство на САД

Ѓоковиќ: Сè уште се надевам дека ќе можам да стигнам до следните Олимписки игри

А1он