Алексеј Попирин го совлада Новак Ѓоковиќ во третото коло на годинашниот УС Опен со резултат 3:1 (6:4, 6:4, 2:6, 6:4), а најдобриот тенисер во историјата на белиот спорт остана без грен слем титула во 2024 година.
Веднаш по мечот, Ѓоковиќ му ја честиташе победата на Попирин, истакнувајќи дека противникот одиграл подобро и ја заслужил победата.
– Го играв најлошиот тенис досега – нагласи Новак и додаде:
– Не можев да ја најдам мојата игра. Пробав многу работи, но беше психички предизвик да играм овде.
Ѓоковиќ истакна и дека на УС Опен дошол уморен по освојувањето на златниот медал на Олимписките игри во Париз.
– Потрошив многу енергија после тоа злато, дојдов овде и не бев доволно спремен психички и физички. Ми снема „бензин“. Не се пронајдов себеси, само тоа можам да кажам. Животот продолжува, рече Ѓоковиќ.