Новак Ѓоковиќ и Рафаел Надал обезбедија пласман во 3. коло на Ролан Гарос откако попладнево со 3-0 во сетови ги совладаа своите ривали.
Ѓоковиќ го победи Стив Дарцис, додека Надал беше поуспешен од Факундо Бањис. Притоа ова беше 200-та победа за Надал на Грен слем турнирите.
Пласман во 3. коло на досега завршените мечеви кај мажите обезбедија уште Аљаз Бедене, Томаш Бердих, Пабло Куевас, Доминик Тием и Ернестс Гулбис.
И тенисерките денеска играат мечеви од второто коло и на досега завршените дуели немаше поголеми изненадувања. Пласман во следната рунда изборија Ана Ивановиќ, Карла Суарез Наваро, Доминика Цибулкова, Јулија Путинцева, Карин Кнап, Кики Бертенс, Полине Перментие и Тимеа Башчински.