Македонската фудбалска репрезентација отпатува за Малта каде што во вторник ќе го одигра вториот Евроквалфикациски натпревар од септемврискиот циклус.
Кај аутсајдерот во групата, македонските репрезентативци патуваа по ремито 1-1 против Италија во Скопје.
За нашиот тим, дуелот со Малта ќе биде петтиот натпревар во квалификаците за пласман на Европското првенство во Германија следната година.
По четирите одиграни средби, македонскиот состав со четири бода е на четвртата позиција на табелата. Четири бода имаат и Италијанците на третото место. На лидерската позиција е Англија која има 13 бода, вторпласирана е Украина со седум, а на дното е Малта која е без бодови.