Фудбалерите на Тотенхем вечерва на „Олд Трафорд“ го победија Манчестер Јунајтед со 3:0 во натпреварот од шестото коло на англиската Премиер лига.
Головите за Тотенхем ги постигнаа Бренан Џонсон во 3. минута, Дејан Кулушевски во 47. минута и Доминик Соланки во 77. минута. Ова беше трет пораз за Манчестер Јунајтед во последните пет натпревари во Премиер лигата.
Манчестер Јунајтед го заврши натпреварот со играч помалку, бидејќи во 42. минута беше исклучен Бруно Фернандеш.
Тотенхем моментално е осми на табелата во Премиер лигата со 10 бодови, додека Манчестер Јунајтед е на 12. позиција со седум.
Фудбалерите на Тотенхем во следното коло од англискиот шампионат ќе гостуваат кај Брајтон, додека Манчестер Јунајтед во Бирмингем ќе игра со Астон Вила.