Фудбалерите на Вулверхемптон на свој терен го победија Манчестер Јунајтед со 2:0, во натпреварот од 18. коло на англиската Премиер лига.
Стрелци за Вулверхемптон беа Матеус Куња во 58. минута и Хванг Хи Чан во деветтата минута од судиското надополнување.
Јунајтед од 47. минута играше со играч помалку, бидејќи Бруно Фернандеш го доби вториот жолт картон.
Вулверхемптон е на 17. место со 15 бодови, а Јунајтед е на 14. позиција со 22 бода.
Во следното коло Вулверхемптон ќе му гостува на Тотенхем во Лондон, додека Јунајтед ќе го пречека Њукасл.