Бразилските воени специјалци денеска ненајавено упаднаа во прес-центарот во кампот на хрватската фудбалска репрезентација „Тиволи Ескорезорт“ и со детeктори дваесетина минути го пребаруваа објектот, јавија попладнево хрватските медиуми.
Специјалците барале експлозивна направа и при тоа го блокирале влезот во објектот.
Ниту на новинарските екипи не им беше дозволен влез во прес-центарот.
Подоцна беше констатирано дека се работело за рутинска воена контрола. Откако специјалците ништо сомнително не пронајдоа го напуштиле кампот.
Предвидената прес-конференција започна на време.
За кампот „Тиволи“ голем интерес пројавија и Германците, Французите и Грците, но хрватската делегација прва успеа да и обезбеди престој на својата репрезентација во објектот за кој се верува дека е најубавите понудени кампови на учесниците на Мундијалот во Бразил.
