Луксузната британска лимузина од Ролс-Ројс, моделот Гоуст, доби неодоливи каросериски додатоци од тјунинг компанијата Ворштајнер.
Ролс-Ројс Гоуст доби нов преден спојлер, странични прагови и нов изглед на задниот дел.
Ворштајнер нуди и зајакнати фелни ВСЕ-002 со димензии од 20 и 22 инчи. Сепак, бидејќи станува збор само за визуелни додатоци, Гоуст е придвижуван од стандардниот 6,6 литарски В12 мотор што развива 570 коњски сили.
За пренос на силата е задолжен 8 степениот автоматски менувач. Автомобилот од 0 до 100 километри на час развива за помалку од пет секунди, а максималната брзина е електронски ограничена на 250 километри на час.