12.500 натпреварувачи од 58 држави учествуваат на 15. јубилеен Виз Ер Скопски маратон што започна денеска во осум часот и 30 минути низ улиците во нашиот главен град.
Учесниците се напреваруваат во четири трки: маратон, полумаратон, штафетна трка и трка на пет километри. Оваа година на најкратката трка пријавени се 9.500 учесници од кои повеќето од половината се жени.
– Наградниот фонд изнесува 18.000 евра, а најдобрите во маратонот кои ќе успејат да го освојат бонус критериумот во време, ќе можат да освојат максимум 5.000 евра. Предвиден е и посебен награден фонд и за домашните маратонци бидејќи сакаме да ги мотивираме, изјави директорот на маратонот Кире Синадиновски.
