„Масерати“ информира дека новиот „Кватропорте“ наскоро ќе добие и верзија со дизел мотор.
Веста пристигна од актуелниот Саем за автомобили во Франкфурт, а во прашање е истиот дизел мотор што ќе се вградува и во помалата лимузина, моделот „Гибли“.
Станува збор за 3.0-литарски В6 дизел мотор со променлива геометрија на турбо-полначот, што ќе биде достапен во две верзии – со 250 КС (184 КW) и сo 275 КС (202 КW).
Како наведува „Масерати“, моторот ќе биде опремен и со стоп/старт систем.
Подетални податоци не се соопштени, но се наведува дека посилната верзија на дизел моторот ќе биде во состојба „Кватропорте“ да забрза од 0 до 100 километри за 6,4 секунди.
За и натаму да звучи како расен „Масерати“, автомобилот ќе биде опремен со посебен звучен систем што ќе го „нагласува“ карактеристичниот препознатлив звук на моторот и ќе го модулира во согаласност со начинот на кој автомовилот се управува.
