Специјалниот оддел на Крајслер СРТ, задолжен за спортски модели го претстави најновиот Вајпер ТА „тајм атак“.
Најновиот Вајпер ТА е изработен како сериозна конкуренција на Корвета ЗР1 и во основа неговиот максимум се покажува на тркачките патеки.
Вајпер ТА е опремен со спортска суспензија од специјални амортизери и стабилизатори и специјалниот систем за контрола „ДампТроник“. Надворешно моделот е препознатлив по ексклузивната портокалова боја на каросеријата на која максимално се вклопуваат црни фелги со пневматици „Пирели П Зеро Корс“.
Голем број аеродинамични каросериски компоненти се изработени од карбон. Црно-портокаловата комбинација на бои доминира и во внатрешноста. Стандардните спортски седишта се дополнителна потврда дека автомобилот не е создаден за компромиси.
Вајпер ТА е придвижуван од 8,1 литарски В10 мотор што развива 640 коњски сили.
Детали за перформансите на возилото се уште не се објаевни, но доволно е тоа што стандардниот Вајпер развива 331 километар на час, а од нула до 100 стигнува за околу 3 секунди.