Фотографија од прекрасното BMW i8 е објавена е на Фејсбук страницата „Ѕид на сообраќајниот срам“, каде корисници од Македонија на оваа социјална мрежа прикачуваат фотки и видео записи од сообраќајни згоди и незгоди ширум земјава.
На фотографијата е напишано: „Фотографирано во Скопје (катна гаража)“.
Моделот на BMW на фотографијата е најновиот i8, хибриден спортски суперавтомобил. Тоа е најнов модел од 2015 година.
Овој автомобил забрзува од 0 до 100 км/час за само 4,4 секунди, а неговата крајна брзина е 256 км/час. Потрошувачката му е 2,1 литри гориво на 100 км.
Прв пат, како концепт, овој модел БМВ го презентирал во 2009 година на Саемот за автомобили во Франкфурт, Германија, додека верзијата за производство била претставена во 2013 година.
