Германскиот производител БМВ на Меѓународниот саем на електроника во Лас Вегас ќе претстави систем за далечинско паркирање на автомобил без возач.
БМВ развива систем со чија помош возачот ќе може да го паркира возилото во гаража или јавен паркинг без воопшто да биде во него или во негова близина.
Системот овозможува возачот да го напушти возилото на самиот влез на гаражата и да ја активира програмата за паркирање со помош на својот паметен часовник.
Потоа, сопственикот на возилото повеќе не треба да размислува за својот автомобил додека не се врати по него во гаражата. Автомобилот самостојно ќе пронајде соодветно паркинг место и ќе изврши паркирање.
Исто така, возачот ќе може да испрати инструкции на автомобилот во колку часот да го чека на излезот од гаражата.
Системот се уште е во фаза на прототип и ќе биде претставен на електричниот модел и3, а БМВ планира во понудата да се најде во следната генерација на БМВ Серија 7, што треба да се појави во 2015 година.