Алфа Ромео ја претстави редизајнирата Џулиета, што освен мали промени во надворешноста и внатрешноста ќе добие и нов 2.0 ЈТДМ 2 турбо дизел мотор.
Италијанската компанија од претставувањето на Џулиета во 2010 година досега има продадено 212.000 примероци.
Три години од појавувањето, автомобилот го доби првиот фејслифтинг. Џулиета доби нова маска на ладилникот и нешто поголемо лого на компанијата.
Светлата за магла, се исто така зголемени, а во понудата се наоѓаат и нови алуминиумски фелни со димензии од 16 и 18 инчи.
Во внатрешноста достапен е У-конект мултимедијален систем со 5 или 6,5 инчен екран осетлив на допир, а во понудата достапни се нови бои и материјали за седиштата, инструмент таблата и вратите.
Џулиета 2014 доаѓа со нов мотор 2,0 ЈТДМ 2 турбо-дизел со 150 коњски сили.
Алфа Ромео официјално ќе ја претстави Џулиета 2014 на претстојниот Саем на автомобили во Франкфурт.
