Сите кои го гледале првиот филм од популарната франшиза сигурно се сеќаваат на белата Џета која ликот Џеси ја возеше на трката „Race Wars‟. Автомобилот моментално е во сопственост на глумицата Френки Муниза, а ќе биде продаден на аукција.
Автомобилот поседува и потпис на глумецот Чад Линдберг кој го глумеше Xеси, режисерот на филмот Роб Кохен, како и од починатиот глумец Пол Волкер.
Под хаубата на VW Jettа се наоѓа 2,0 литарски мотор со турбо полнач кој е споен со 4 степен автоматски менувач. Автомобилот е украсен со графика, а во внатрешноста се наоѓа стандарден аудио систем и конзола Плеј Стејшен 2.
Ќе биде интересно да се види за колку ќе биде продадена скромната Џета која има голема популарност. Аукцијата ќе се одржи во Скотсдејл во Аризона од 23 до 31 јануари. Осмиот продолжеток на филмот во кината ќе биде прикажан на 14 април 2017 година, а потоа се очекуваат уште два филма со кои франшизата ќе биде завршена.