Компанијата „Фолксваген“ го редизајнира својот најмал „крос“ модел, што во Германија ќе чини од 14.250 евра.
По стандардната верзија на моделот „Ап!“, рестилизирана е и неговата „крос“ верзија. Во однос на моделот што беше претставен во 2013 година, промените во дизајнот се воочливи на предниот браник и маската на ладилникот, а „Фолксваген“ наведува дека го рестилизира и задниот браник.
Од класичната верзија на моделот „Ап!“ автомобилот се разликува по заштитните додатоци на долните делови од каросеријата и покривните шини. Светлата за магла се врамени со хромирани детали, додека куќиштето на надворешните ретровизори се сиви како и браниците.
„Крос Ап!“ за 2017 година е опремен со специјални 16 инчи алуминиумски фелнами.
Моторизацијата опфаќа 1.0-литарски трицилиндарски бензинец, достапен во варијантите со 75 и 90 кс. Посилниот од двата агрегат имаат турбо полнач и директно вбризгување и на автомобилот му овозможува од 0 до 100 километри на час да забрза за 10,8 секунди.