Фолксваген ја зголеми понудата на Пасат со нов пакет на опрема Р лајн и нов 1,4 литарски штедлив ТСИ бензински мотор.
Пакетот Р лајн надворешно е препознатлив по специјалните аеродинамични каросериски компоненти што на возилото му даваат спортска нота.
Во однос на стандардниот Пасат, изменет е предниот дел на кој се вградени светла за магла, а на задниот дел доминира спојлерот. Автомобилот е понизок за 15 милиметри од стандардната верзија.
Пасат Р лајн доаѓа со 18 инчни фелги со пневматици од 235/40 и би-ксенон и дневни ЛЕД светла. Богатата опрема вклучува Блутут, УСБ и АјПод конекција, ДАБ аудио систем и кожен мултуфункционален управувач.
Новиот Пасат е достапен со 1,6 литарски ТДИ мотор со 105 коњски сили и рачен шестстепен менувач, додека дволитарскиот ТДИ мотор со 140 коњски сили, освен со рачен, достапен е и со ДСГ автоматски менувач.
Во понудата е вклучен и новиот 1,4 литарски ТСИ бензински мотор со 160 коњски сили, кој е чиста и штедлива замена за 1,8 литарскиот ТСИ мотор.