Светската фудбалска асоцијација (ФИФА) на почетокот на следниот месец ќе одржи состанок на кој ќе се разгледа евентуалната промена на времето на одржување на Мундијалот 2022 година во Катар.
Претседателот на ФИФА Сеп Блатер најави изнесување предлог Светското првенство да се игра во зима поради енормно високите температури во Катар.
Европските фудбалски федерации се согласија дека не е нормално да се игра фудбал во Катар во летниот период.
Против поместувањето на СП во зима се големите фудбалски клубови ширум Европа поради поместување на календарите на натпреварувањата во кои тие ќе учествуваат.
Земјата домаќин пред неколку дена уште еднаш го повтори ветувањето дека нема никакви пречки Светското првенство да се организира во лето, бидејќи Катарците се способни да овозможат користење на разладни уреди на сите стадиони и секаде каде што е потребно за времетраењето на Мундијалот.