Светската фудбалска федерација (ФИФА) размислува да направи промена во правилата. Станува збор за воведување на уште една измена, но таа би била дозволена само ако натпреварот се игра во продолжение.
Целта на ваквата промена е да се спречат евентуални повреди на фудбалерите за време на натпреварот од преголем замор, а ваквиот предлог е прифатен и од селекторот на светските шампиони Германија Јоаким Лев.
Меѓународниот одбор на фудбалските асоцијации ќе разговара на својот состанок кон крајот на месецот и доколку предлогот биде прифатен можно е правилото да се применува од јули годинава.