ФИФА ја повлече одлуката со која на Косово му дозволи да игра пријателски натпревари со други земји.
Светската фудбалска федерација ја суспендира одлуката да му дозволи на Косово да игра пријателски натпревари со други земји, рече Сеп Блатер.
Блатер кажа дека ова прашање ќе биде „затворено“ на 29 јуни на состанокот на Извршниот комитет на ФИФА.
ФИФА во вторникот му дозволи на фудбалскиот сојуз на Косово да игра пријателски мечеви со членките на таа федерација што предизвика силни негодувања од страна на фудбалскиот сојуз на Србија.
Генералниот секретар на ФИФА Жером Валк ја бранеше одлуката со желбата да се помогне на развојот на фудбалот.