Фудбалската федерација на Македонија има нов интернет сајт. Од четвртк па натаму на www.ffm.mk љубителите на фудбалот и сите оние поврзани професионално со него ќе можат да добиваат компетентни, сеоппфатни и ажурирани информации поврзани со македонскиот фудбал, македонските лиги, како и се она што е поврзано со нашите репрезентации.
Резултати, табели, распореди, статистика, видео вести, календар на меѓународни натпревари и многу други информации поврзани со македонскиот и светскиот фудбал, ќе бидат на едно место.
Од ФФМ соопштија дека наскоро ќе започне да функционира и интернет онлајн фудбалската продавница, преку која љубителите на фудбалските реквизити ќе можат да нарачуваат дресови и други производи поврзани со ФФМ и фудбалската репрезентација.
Новиот сајт е пред се прегледен, функционален, ориентиран кон потребите на посетителите, а во неговата подготовка беа вклучени поголем дел од вработените во федерацијата. Веб страната извесно време беше и тестирана, со цел од технички аспект да се надминат одредени недоследности, а се со цел посетителите да имаа еден стабилен и сигурен медиум и извор на информации.
Станува збор за активности на ФФМ кои се дел од процесот на осовременување, подобрување на транспарентноста во работењето, и пред се доближување на Фудбалската федерација на Македонија до македонските љубители на фудбалот, до професионалците, како и сите оние кои на некој начин се поврзани со него.