Во вторник на Националната Арена „Филип Втори“, македонската фудбалска репрезентација во натпревар против Србија ги продолжува квалификациите за пласман на СП во Бразил.
На истиот тој ден, Македонија ќе одбележи пет години од трагичната смрт на прерано починатата македонска ѕвезда Тоше Проески.
ФФМ на многубројните фанови кои ќе бидат присутни на „Филип Втори“ ќе им приреди невиден спектакл.
Во чест на Тоше ќе настапат врвни естрадни уметници, спектаклот ќе започне во 19 часот, а покрај тоа што ќе се пуштаат познатите песни од Тоше, свој настап ќе имаат Ламбе Алабаковски, Наум Петрески и други.
