Фудбалската федерација на Македонија (ФФМ) денеска им донираше опрема и топки на екипите од Супер и Првата лига за категориите: пионери, помлади пионери, кадети и младинци.
Во просториите на „Куќата на фудбалот“ донација примија претставници на повеќе од 100 екипи кои се натпреваруваат во системот на ФФМ.
– Ние го реализираме тоа што го прифативме како наша обврска. Развојот на младинскиот фудбал е приоритет и ќе се обидеме и во иднина да им ја дадеме целосната поддршка и помош на клубовите кои посветуваат големо внимание на фудбалската иднина. Доколку сегашноста им припаѓа на денешната генерација фудбалери, нема дилема дека нашиот влог и заложба ќе се движат во насока на развојот на фудбалот од најмалите категории, се до почетокот на професионалнта кариера – истакна претседателот на ФФМ, Илчо Ѓорѓиоски.
Секој од 114. клубови кои примија донација имаат по 20 комплета спортска опрема (дресови, шорцеви, чорапи) и по 15 ЈАКО фудбалски топки.