Возачот на „Ред Бул“ Себастијан Фетел триумфираше на денешната трка од шампионатот во Формула 1 за Големата награда на Италија што се возеше на патеката во Монца.
За Германецот ова беше шеста победа оваа сезона, а вкупно 32-ра во кариерата.
На подиумот се пласираа уште Фернандо Алонсо од „Ферари“ и Марк Вебер „Ред Бул“. Во борбата за второто место поуспешен беше Алонсо.
Светскиот првак Фетел, доминираше во текот на целата трка и единствено кога беше во бокс не беше на првото место.
Зад водечката тројка се пласира вториот возач на „Ферари“ Фелипе Маса. Како петтопласиран трката ја заврши Нико Хулкенберг од „Заубер“.
Во генералниот пласман води Фетел со 222 бода, Алонсо има 169, Луис Хамилтон 141, Кими Раиконен 134… Кај конструкторите „Ред Бул“ води со 352 бодови пред „Ферари“ 248 и „Мерцедес“ 245.