Репрезентациите на Данска и Русија синоќа одиграа нерешено 26:26 на последниот дуел од 2.коло во втората фаза од групата 2 на Европското првенство за ракометарки што се игра во Шведска.
Данска со освоениот бод ги задржа шансите за второто место во групата и пласман во полуфиналето, но денеска ќе мора да ја победи Романија.
Првата позиција во групата ја освои Норвешка, која вчера славеше победа над Унгарија со 24:23, додека Романија беше подобра од Чешка со 30:28.
Табела: Норвешка 8 бодови, Романија 6, Данска 5, Русија 3, Чешка 2, Унгарија 0.
Денеска се играат натпреварите од 3.коло во двете групи:
Шпанија – Холандија,
Шведска – Германија и
Србија – Франција (група 1);
Унгарија – Русија,
Романија – Данска и
Норвешка – Чешка (група 2).