Фудбалерот на Наполи, Елиф Елмас, ќе биде „големо засилување“ за нашиот национален тим во финалната пресметка со Грузија во Тбилиси. Тој не играше на последните мечеви поради коронавирус, но сега е максимално подготвен и најавува дека Македонија сака да го оствари најдобриот резултат во историјата на нашиот фудбал.
„Не очекува финале, еден натпревар и многу борба. Ќе биде тежок натпревар, влогот е голем, но за ова се подготвувавме и сите заедно ќе се обидеме да го дадеме својот максимум за да успееме. Ни треба концентрација и енергија во текот на сите 90. минути. Грузија исто така, има за цел да биде на Европското првенство, но треба да направиме работите на теренот да зависат од нас. Оптимист сум, ова е голем меч и ќе го одиграме и за себе и за тимот, но и за целата држава. Се надевам дека ќе успееме, ќе играме за пласман на Европско првенство“, вели Елиф Елмас.