Македонските тенисери со денешните порази ги завршија натпреварите на фјучрс турнирите во поединечна конкуренција, а попладнево ќе имаат настап и во игра на двојки.
Лина Ѓорческа во Беинаско, Италија на турнирот со награден фонд од 25.000 долари загуби во четвртфиналето од Вивиен Јухазова (22.години) со 7:5 и 7:5 во сетови. Во двата сета нашата тенисерка не успеа да го искористи водството од 5:1 во гемови. За пласманот во четвртфиналето Ѓорческа ќе освои 9 поени.
Во конкуренција на двојки попладнево Ѓорческа ќе игра во полуфиналето со Деа Херџелас од БиХ против Гарсија Перез (Шпанија) и Изабела Шинкова (Бугарија).
Томислав Јотовски фјучурсот во Хамамет, Тунис (награден фонд 10.000 долари) го заврши во второто коло откако загуби од Бастиан Маља од Чиле со 6:1 и 6:4 во гемови.
Во игра на двојки тој со Русинот Алексеј Ватутин ќе играат против Бразилците Бруно Сантана и Талес Турини.
Јотовски по завршувањето на настапот на турнирот се враќа во Македонија каде ќе почне со подготовки за настапот македонската Дејвис куп репрезентација.