Фудбалерите на Барселона го победија Реал Мадрид со 3:0 во пријателски натпревар.
„Ел Класико“ се одигра на стадионот Далас Каубојс во Тексас пред околу 80.000 луѓе.
Барселона убедливо го совлада Реал во динамична игра која ги воодушеви американските љубители на фудбалот.
Дембеле ја доведе Барселона во водство во 15. минута, а потоа долго се чекаше за следниот гол.
Барса дури во финишот на мечот го скрши отпорот на фудбалерите од Мадрид и со головите на Лопез во 85. минута и Феран во 91. минута го доби пријателското дерби меѓу шпанските гиганти.