Милан Гуровиќ, еден од поранешните српски кошаркари спаси живот откако изгасна пожар во автомобил што се запали среде улица.
Вистинската животна драма се одвиваше во близина на голем супермаркет на улицата „Војвоѓанска“ во Нов Белград, кога еден автомобил ненадејно сврте пред возилото во кое се наоѓаше Милан Гуровиќ.
Автомобилот потоа се запали, но возачот не излезе, остана внатре, не можејќи да избега поради паниката.
Гуровиќ излезе од автомобилот и практично го спаси човекот за неколку секунди – додека возилото гореше, го извлече и со тоа му го спаси животот.
Сите што ја гледаа оваа драма тврдеа дека сè можело да заврши трагично, бидејќи секоја секунда била важна.
Единственото нешто што беше поразително е фактот што сите други стоеја таму и ја снимаа оваа ужасна глетка, а никој не дојде да им помогне на човекот и на Гуровиќ во спасувањето.
Гуровиќ потоа го однесе повредениот човек во болница, каде што тој беше примен со изгореници по телото, додека од автомобилот не остана ништо.