Англија и Аргентина ќе се сретнат во полуфиналето на Светското првенство (среда, 21:00 часот), а тензиите веќе започнаа од двете страни, иако, судејќи според она што може да се види, Англичаните предничат во тоа.
Познато е што за нив значи 1986 година: додека за Аргентина таа е „Божјата рака“, за Англичаните претставува „проклетство“.
Тогаш се сретнаа на славниот стадион „Ацтека“ во четвртфиналето, а Марадона постигна два гола.
Едниот беше прогласен за најдобар гол на 20-тиот век, додека другиот – „Божјата рака“ – е можеби најпознатиот гол во историјата.
Пред натпреварот се огласи и екс репрезентативецот Џо Кол, кој имаше директна порака за Лео Меси.
– Ова е првпат Меси да игра против Англија? Ќе го пратиме на спиење. Стопроцентно! Овде и сега повторувам: Англија оди во финалето на Светското првенство. Имаме премногу ритам и поголема брзина од Аргентина и ќе ги победиме. Го чувствувам тоа во коските“, рече Кол.