Ракометарите на македонскиот шампион Металург ја постигнаа втората победа во Супер лигата откако синоќа во салата „Автокоманда“ го совладаа Зомимак од Струмица со 28:22.
За Металург ова беше втор натпревар, бидејќи поради учество во Лигата на шампионите и СЕХА лигата има и два одложени дуела.
Најдобар играч на натпреварот беше голманот Петар Ангелов, кој иако настапи со инјекција и ја одложи операцијата на менискусот успеа да собере 20 одбрани со што даде голем придонес во победата на неговата екипа.
На другите два натпревара од 4.коло, Вардар Про му го нанесе и четвртиот пораз на Тинекс Пролет 38:21, додека Пелистер ја постигна првата победа над Куманово. Битолчани славеа со 32:27.
Табела: Вардар Про 7 бодови (3 натпревари), Зомимак 7 (4), Металург 6 (2), Пелистер 3 (2), Куманово 3 (3) и Тинекс Пролет 0 (4).