Џон Тери, дефанзивецот на Челзи, реши да ја заврши богатата репрезентативна кариера. Оваа вест ја шокираше англиската спортска јавност. Денес Тери ќе излезе на сослушување пред Англискиот Фудбалски Сојуз, заради обвинението за расистичка навреда на Антоан Фердинанд. Граѓанскиот суд го прогласи Тери за невин.
„Репрезентативната кариера ја завршувам и тоа е дефинитивна одлука. Оваа изјава ја давам пред сослушувањето, и сметам дека FA со форсирањето на ова обвинение, мојата позиција во репрезентацијата ја направи невозможна“ – рече Џон Тери.
Стоперот на Челзи досега има 78 репрезентативни настапи, а дебитираше во далечната 2003 година.