Бордот на директори на „Џенерал Моторс“ (ГМ) го искористи состанокот што се оддржа во седиштето на компанијата „Опел“, во Риселсхајм, да ја нагласи посветеноста на американската компанија кон овој германски автомобилски бренд.
Директорите притоа ја одобрија програмата што подразбира инвестиции во висина од четири милијарди евра во Германија и во Европа во периодот до 2016 годинеа
-Како глобална автомобилска компанија, на ГМ му е потребно силно присуство во Европа во поглед на дизајнот и развојот, како и во поглед на производството и продажбата, рече Ден Ејкерсон, претседател и извршен директор на компанијата ГМ, на прес конференцијата во АДАМ Опел Хаус.
Тој додаде дека „Опел“ е клучен за успехот на матичната компанија и дека ја ужива целосната поддршка на ГМ.
Бордот директори ја избра Германија за својот редовен состанок за од прва рака да добие информации за напредокот на 10-годишната стратегија на ГМ – „DRIVE!2022“, како и за предизвикувачкото опкружување во европскиот сектор на автомобилската индустрија во 2013 година.
Голем дел од инвестициите на „Џенерал Моторс“ ќе бидат вложени во реализација на идните модели на „Опел“.
„Опел“ до 2016 година планира да претстави 23 нови модели и 13 нови погонски системи.