Капитенот на Металург, Ванчо Димовски во изјава за „Македонски спорт“ во пресрет на дуелот со Динамо Минск во Лигата на Шампионите вели дека ја донел својата одлука за повлекување од националниот дрес, и дека сака место да им даде на помладите во реперзентацијата.
„Светското првентсво во Шпанија беше последно за мене во репрезентацијата. Јас тоа му го најавив и на селекторот Звонко Шундовски, но бидејќи тој не е повеќе селектор, ќе го информирам и новиот стратег на репрезентацијата кога ќе биде избран. Јас сум овде да помогнам на репрезентацијата, но мислам деак веќе е дојдено време да се повлечам. Добро сме покриени на мојата позиција. Веќе полнам 35 години и треба да оставам место за помладите, чие време допрва доаѓа“- вели Ванчо Димовски.
„Што се однесува до мечот со Динамо Минск, тоа ќе биде тежок натпревар. Прв е, не смееме да влеземе во нивниот филм. Нивните напади кратко траат, но по едно две додавања следи удар. Имаат добра одбрана, а ние сме подотвени за нив. Ќе играме на победа. Динамо е добар тим, но ако играме ладнокрвно, како што сме и подготвени, имаме шанса“- додава Димовски.