Сан Антонио, екипата со најдобар скор во НБА лигата, доживеа непријатно изненадување на гостувањето кај Детроит и го претрпе 12-от пораз оваа сезона. Ова беше крај на победничката серија за „мамузите“ во која постигнаа 11 триумфи, а последниот пораз го имаа на 11 јануари од Мемфис.
Најдобар играч на натпреварот беше Грег Монро, кој имаше 26 поени и 16 скокови, а одлична помош имаше од Бредли Најт и Чарли Вилануева, кои реализираа по 24 ,односно 21 поен.
Од другите натпревари за одбележување е и високата победа на шампионот Мајами над Лос Анџелес Клиперс, додека Орландо го претрпе и 12-от пораз по ред.
На ноќеска одиграните натпревари беа постигнати следниве резултати: Вашингтон – Бруклин 89:74, Шарлот – Лос Анџелес Лејкер 93:100, Индијана – Торонто 98:100 (продолжение), Атланта – Њу Орлеанс 100:111, Детроит – Сан Антонио 119:109, Кливленд – Орландо 119:108, Мајами – Лос Анџелес Клиперс 111:89, Мемфис – Голден Стејт 99:93, Хјустон – Портланд 118:103, Оклахома Сити – Феникс 127:96, Минесота – Њујорк 94:100 и Јута – Чикаго 89:93.
Вечерва играат: Кливленд – Денвер, Филаделфија – Шарлот, Милвоки – Детроит, Далас – Голден Стејт и Сакраменто – Јута.
Пласман Источна конференција: Мајами 33-14 (победи-порази), Њујорк 32-16, Индијана 31-20, Чикаго 30-20, Бруклин 29-21,…
Пласман Западна конференција: Сан Антонио 39-12, Оклахома Сити 38-12, Л.А.Клиперс 35-17, Денвер 32-18, Мемфис 31-18,…