Двата најдобри македонски ракометни колективи Вардар и Металург, ќе играат во 1.коло од новата сезона на регионалната СЕХА лига.
Бранителот на титулата Вардар сезоната ќе ја започне со мечот на домашен терен и тоа против градскиот ривал Металуг.
Новата сезона ќе стартува на 2 септември, а натпреварите од лигашкиот дел треба да завршат на 15 март 2015 година.
Шампионот повторно ќе биде решен на завршен Фајнал-фор турнир, кој ќе се одржи од 27 до 29 март 2015 година, а местото на одржување дополнително ќе биде одредено.
По откажувањето на клубовите од Словенија и приклучувањето на унгарскиот Веспрем, системот на натпреварување останува ист со 10 екипи.
Двојките за првото коло во новата сезона на СЕХА лигата се: Вардар – Металург, Нексе – Загреб, Мешков – Борац, Раднички – Војводина и Татран – Веспрем.