Ракометарката на Вардар Сираба Дембеле се најде во најдобриот тим на сезоната во Лигата на шампионите избран преку он лајн гласањето на интернет. Оваа година во гласањето учествувале околу 22.000 навивачи.
Најдобриот тим го сочинуваат (според позиции): лево крило – Сираба Дембеле (Вардар), лев бек – Кристина Неагу (Будуќност), среден бек – Анико Ковачич (Ѓер), десен бек – Нора Мерк (Ларвик), десно крило – Лин-Кристин Ригелут Корен (Ларвик), пикер – Хајди Локе (Ѓер), голман – Сандра Тофт (Ларвик).
Признанито најдобра одбрамбена ракометарка го доби Дорина Коршош (Ѓер), а за најдобра млада ракометарка е избрана Елиза Букеши (Баја Маре), додека за најдобар тренер е избран Амброш Мартин (Ѓер).