Средниот бек на Вардар, Лука Циндриќ се најде во изборот на најдобрата седморка за месец октомври во СЕХА Газпром лигата.
Слично како и минатиот месец, повторно на позицијата среден бек е Лука Циндриќ. Тој и Роланд Миклер од Веспрем се единствените што два месеци по ред се меѓу најдобрите играчи на лигата.
Вардар минатиот месец одигра само три натпревари, на сите постигна победи и се зацврсти на лидерското место со 28 бода, од 10 натпревари.
Ол стар тим на СЕХА Газпром лигата за октомври:
голман – Роланд Миклер (Веспрем),
лево крило – Нико Медвед (Горење),
десно крило – Ведран Зрниќ (Нексе),
пивотмен – Тин Контрец (ППД Загреб),
лев бек – Павел Атман (Мешков),
среден бек – Лука Циндриќ (Вардар),
десен бек – Давид Миклавчиќ (ППД Загреб);
тренер: Зденко Корди (Нексе).