Во дербито на вечерта во НБА Лигата Чикаго Булс славеше против Њујорк со 110:106.
Кармело Антони уфрли 29 поени за Никси, но беше исклучен седум минути пред крајот поради втора техничка грешка.
Исклучен беше и домашниот тренер Мајк Вудсон, како и Тајсон Чендлер и Јоаким Ноа поради меѓусебен судир.
Во таква ситуација Никси загубија втор пат на последните три домашни дуели. Прво име во победничкиот состав беше Луол Денг со 29 поени и 13 асистенции.
Крис Пол уфрли 24 поени и додаде 13 асистенции, додека Блејк Грифин му се приклучи со 21 поен и 12 скока, а Клиперси преку нив се радуваа на победа против Сакраменто од 97:85.
Тоа беше 12-та по ред победа за ЛА Клиперс поставувајќи нов клупски рекорд надминувајќи ја генерацијата од сезоната 1974/1975.
Триумфот против Сакраменто им е 20-та сезоната, најрано во клупската историја стигнувајќи до таа бројка во една сезона.
РЕЗУЛТАТИ:
- Филаделфија – Атланта 99-88
- Торонто – Орландо 93-90
- Бостон – Милвоки 94-99
- Кливленд – Индијана 89-99
- Детроит – Вашингтон 100-68
- Њујорк – Чикаго 106-110
- Мемфис – Далас 92-82
- Сан Антонио – Њу Орлеанс 99-94
- Голден Стејт – Шарлот 115-100
- ЛА Клиперс – Сакраменто 97-85.