Chevrolet, на саемот во Франкфурт претстави нов, стилизиран Camaro Convertible.
Како и Coupe верзијата, моделот со отворен кров се разликува од претходникот по модифицираните браници, редизајнираната маска за ладилникот и новите фарови и стоп светла.
Chevrolet во моделот за 2014 година ќе вгради и нов MyLink мултимедијален систем со 7 инчен екран чувствителен на допир, Bluetooth, USB и AUX конекции.
Освежените Camaro Coupe и Convertible во Европа ќе се продаваат со 6,2 литарски V8 мотор кој произведува 432 Кс (318 kW) и 569 Нм максимален обртен момент. На купето за забрзување до 100 км/ч ќе му бидат потребни 5,2, а на кабриолетот – 5,4 секунди.
Chevrolet Camaro за 2014 во европските продажни салони ќе пристигне до крајот на 2013 година, а цената во Германија ќе изнесува од 39.990 евра за купето и од 44.990 евра за кабриолетот.