Четврта победа за Металург, во исто толку натпревари, во групата Ц во Лигата на шампиони.
Македонскиот првак, во четвртото коло убедливо го победи рускиот претставник Санкт Петербург со 32:19 (15-11).
Најефикасен во редовите на Металург беше Ренато Вугринец со 11 погодоци. Наумче Мојсоски постигна пет гола, сите во првото полувреме. Манасков и Миркуловски постигнаа 4 погодоци.
Дарко Станиќ и овој пат одличен на голот со 16 одбрани.
Металург е со стопостотен учинок во групата, четири победи во четири натпревари.
Во ноември, во Скопје доаѓа полскиот Киелце, кој е главен опонент на Металург во првата, групна фаза од ЛШ.