Четворица фудбалери на јужноафриканскиот клуб Полокване Сити загинаа во сообраќајна несреќа, вчера попладне, пренесуваат локалните медиуми.
До несреќата дошло кога автобусот кој ги пренесувал фудбалерите по натпреварот, се судрил со автомобил.
Четворицата фудбалери загинале на местото на несреќата, додека уште тројца се наоѓаат во критична состојба.
Јужноафриканската фудбалска федерација потврди дека загинале Кокетсо Такало, Роберт Мпхути, Моекетси Нтхете и Силвестер Мпакетсане и упати сочувство до нивните семејства.
Полицијата соопшти дека несреќата ја предизвикал возачот на автомобилот, кој бил под дејство на алкохол.