Претседателот на Република Македонија, Ѓорѓе Иванов му го честита пласманот на Вардар во финалето на Лигата на шампионите за ракометарки.
– Сакам да ви го честитам успехот и да ви посакам и во финалето да се изборите за уште една победа и да го остварите вашиот сон со нашата гордост Вардар.
Цела Македонија е со вас, играјте како и секогаш со срцето. Пренесете ги честитките на девојките од целата екипа и стручниот штаб, се вели во честитката упатена до ракометниот клуб Вардар.
Вардар денес со почеток од 17:45 часот во Будимпешта против Ѓер ќе го игра натпреварот за европскиот трофеј во Лигата на шампионите.
„Црвено-црните“ вчера во полуфиналето на убедлив начин го совладаа европскиот првак ЧСМ Букурешт со 38:33.