Канаѓанката Еужени Бушар, финалист во 2014 година, беше елиминирана денеска од Вимблдон. Таа во вториот круг загуби од Австралијката Ешли Барти со 4:6, 5:7.
Во вториот сет, Бушар водеше со 5:2, но ги загуби следните пет гема, со што го изгуби и мечот. Барти 17-то рангирана ќе игра во следната рунда со руската тенисерка Дарија Касаткина. Таа ја порази Јулија Путинцева (Казахстан) со 6:2, 6:3.
Вториот круг го помина и поранешната број еден во светот и финалистка на „Вимблдон“ од 2016 година – Анжелик Кербер.
Германката, го загуби првиот сет против Американката Клер Лиу, но направи пресврт за 3:6, 6:2, 6:4. Во третиот круг Кербер ќе игра со Јапонката Наоми Осака, која не загуби сет против учесничка со „вајлд карта“ Кејти Бултер од Велика Британија – 6:3, 6:4.
Дарја Гаврилов пак го освои целосно австралискиот дуел со Саманта Стосур, откако ја надигра со 6:4, 6:1.
Белгијката Елизе Мертенс ја победи Саша Викери со 6:1, 6:3, а за третиот круг се пласираа уште чехињата Барбора Стрицова, Шпанката Карла Суарез Наваро, Су-Веи Сие (Тајван), Катарина Сињакова (Чешка).